بحبك

قبل عجقة اسبوع المفاضلة والدوام والتسجيل حبيت اسرق شوية وقت وقلك ياها بكل ما تعنيه كلمة بحبك بكل حرف من هالكلمة حملته احساسي الك وبعتلك ياه للشام
يمكن لازمني هيك ربع ساعة فعلا بطقة العجقة اللي عايشينا انتي وانا
هي احد اضرار زحمة الحياة انو لا انتي ولا انا عدنا قادرين نفكر بالاول لنفكر بعدين بكلمة بحبك
مع انو بتعرفي انو اسلوبي مو شاعري بنوب ولا بعرف كتير صيغ العبارات ومع انو الغبرة والطقس وعقدة وزني الزايد وضغطي العالي وحياتي المكركبة هون كلون ضاغطين عليي بس لما بتكوني بهدوء وبترتاحي مع عجقة البلد ونق الناس اللي حواليكي وفلسفة الزملاء بالجامعة وكل من هب وشد عمشدون
وقتا انتي وانا فينا نستوعب منيح كلمة بحبك
فعلا يا ستي شي غريب بتعرفي عبالي بوسه من بين عيونه هاد اللي اخترع هالكلمة انو ب4 احرف بنختصر احساس شخصين سوا فعلا شي حلو
مع انو الاختصار مو منيح وهي من اتفاقاتنا انتي وانا
بس فعلا حلو هالاختصار
يا ريت هالربع ساعة بتطول وتصير دهر لاقدر طول هالكلمة وبطل اضغطا بس الامور مو بايدي ودايما بدي ارجع للواقع لهيك بقلك ياها برواق وبدون اي ضغط غير ضغط دمي
بحبك
طارق

Advertisements

انا انسان

الناس في حلب مشغولة في اليومين الماضيين بخبر اعدام مغتصبي الطفلة خولة واينما اقرأ اجد الاخبار تقول الناس تتجمع وبقوة ومن ساحة لساحة لاخرى لمشاهدة مشهد الاعدام في مشهد يعيد الى الاذهان يوم اعدام المجرمين قبل عامين بساحة باب الفرج
ليس موضوع حديثي عن الجريمة بحد ذاتها فالجريمة اقل كلمة وصف فيها هي انعدام كل ما يمت للانسانية
بصلة
سموها مرض نفسي كبت ما تشاؤون لكنها بالنهاية جريمة وتستحق العقاب
المشكلة في العقاب بحد ذاته
من جهة هو الاعدام ومن جهة هو السادية لدى شعبنا
لا استطيع تقبل مشهد الاعدام بحد ذاته مع اداراكي الحااااااااااااااااااااااا

اااااد لمشهدية الجريمة لكني لا اتقبل فكرة الاعدام لم لانحاول اصلاح هذا الكبت والامراض النفسية التي تعشش بمجتمعنا ؟ لم لا نفعل مجتمعاتنا المدنية ؟ لم لا نعيد تاهيلهم مجددا لحياة اليسوا بشرا؟
ومن جهة اخرى انها سادية الناس الغريبة فقبل عامين احتشدت حلب في الساحة ليصور الغالبية منهم مشهد الاعدام وتتناقله الهواتف والكاميرات والمواقع وحتى صغار السن بدون اي وازع او تفكير بحرمة الميت
او بمدى تعلق الصغار بمثل هكذا مشهد ناهيك عن الصفير والتصفيق وكان انجازا مهما تحقق
لسبب او لاخر هي محبة هكذا مشاهد
متناسين في كلا الحالتين ان المعدوم او الذي يصورونه هو انسسسسسسسسسسسسسسسسسااااااااااااااااان
له حق الحياة وليس لاحد ان يصادر لا حياته ولا كرامته باي شكل من الاشكال
نعم لقد ارتكب جرما ويستحق العقاب لكن ليستفد ويفد غيره بالعقاب

مريض نفسي

انت مريض نفسي اذا انت مجنون / بالاساس شو يعني مجنون
اذا انت مبتلى بع\غضب الرب
اذا انت شخص لا حياة لك
المطلوب عزلك تعقيدك او زتك بمشفى الامراض العقلية وماداركون ما مستشفى الامراض العقلية

ولا مرة بيفكروا الناس انو هالزلمي هو متلنا متله ومعه مشكل وفي طبيب مختص ممكن يساعده
وولا مرة فكر هالمجتمع انو الطبيب النفسي زيارته هي ممكن تحل هالازمة وبلا كل هالعقد
دايما هالناس بنشوفون كمان بياكلوا قتل وبيتمسخروا عليهون بشكل كبير وممكن بالعكس ينحبسوا عند اهاليون ويتعقدوا اكتر
يعني لليوم عنا ازممة انو ما بيصير نروح لطبيب نفسي لانو الناس رح تحكي علينا ومن ميلة تانية هيدول الناس المرضى هني مصيرون كتير ماساوي

معالي الوزير انت في سوريا

وكأن اعضاء الحكومة السورية قد اعتقدوا ان الجمهورية العربية السورية هي حمهورية المالكي وابورمانة واحياء الهاي كلاس والباقي دول مجاورة
هذا ما اوضحه بالامس وزير الثقافة السورية اثر افتتاح مشروع ماوراء البحار لشركة قطرية يقوم على شقق سكنية في يعفور
حديث وزير الثقافة كان خاليا من اي شئ له علاقة بثقافة هذا البلد الذي يثبت يوميا ان علاقتنا به هي حب من طرف واحد
الوزير يقول مشاريع الاستثمار لمن لديه المال وهذه المشاريع ليست لفقراء البلد او ذوي الدخل المحدود ومن لديه المال فقط يستطيع ان يكون له حصة في استثماراتنا
فلياتي الاثرياء اذا ليعيشوا الرفاهية وليتبهدل ابناء هذا الوطن المسكين
عذرا يا سيدي الوزير هناك احياء اخرى في دمشق وغيرها تنظر ما وراء البحار اكثر من ذوي الهاي كلاس
الا تصدقني ؟
جرب بنفسك انقطاع الكهرباء لساعتين في زحمة دمشق الخانقة ثم اجبني
وحسابي على الفيس بوك بدا واضحا لك مع رسالتي

يا بنت انتي البيت

بالامس كنت اتابع حلقة من مسلسل اهل الغرام حيث يدور حوار بين زوجين تسال الزوجة زوجها من انا فيجيبها انت البيت
في الوهلة الاولى شعرت بالصدمة لكني لاحقا تذكرت
فالمراة في بلادي مهد الحضارة هي العاملة في الحقل والرجل يتفرج وهي الملعون نفسها في العمل والرجل يتفرج ( لا اعمم )
ولا زلت اذكر انتقاد احد زملاء الدراسة دخول صديقة مشتركة لنا كلية الطب بقوله: كتير عليها يعني اخرتا لبيتا وجوزا الرب خلقون لهيك مهمة
اجل يا ايتها المراة انت في النهاية البيت وشعار انسترت هو الحكم المفروض عليكي من هذا المجتمع الذكوري عاجلا ام اجلا والا فانتي ( اللهم عافينا )
هكذا يا نساء سوريا يفكرن بكن والويل لمن تخرج عن هذا القانون في +++++++
بل ويستعدون لقتلكن ان شككن او قرروا الشك بكن بنسبة 1%
الا لعنة كائنات الارض والسماء على هذا الشرف
نعم في الواقع المراة لدينا نائية في البرلمان ووزيرة ومديرة عامة وسيدة مجتمع لكن انظروا الى ال95% الباقيات انهن البيت ببساطة
عذرا سيداتي لكنه الواقع
ابتسمن انتن في سوريا