انقاذ فصعون 2

peace_logo

بعد ان تشرد فصعون مجددا كما روت تدوينة طباشير ونجح بالبكالوريا شحط ودخل الجامعة شحط ايضا  تفاجأ بل صدم عندما شاهد فصعونة  امامه لم يعرفها  من شكلها  لان وجهها كان مغطى بالخمار وانما عرفها من صوتها  لما كانت  تطلب المحاضرة من المكتبة  سالها: انتي فصعونة  تطلعت  هيك  قالتله  اي انت فصعون؟ عرفوا بعض  من جديد   بس تذكرت فصعونة فورا انو  الست ام فهمون  نبهتا  مليونين مرة انو  يا ويلك تحكي مع شب  فاستغفرت ربا  10 مرات  ومشيت بطريقا

فصعون  بهاليوم  كان  بالنسبة الو عيد وطني   لانو  الوحيدة يلي فهمت عليه  وكانت تطعميه من صندويشاتا وتساعده بدروسه  كانت فصعونة  ولما  تدخلت الست ام فهمون  بمعية ام واب وعيلة فصعون لانقاذه اايام الطفولة ومن وقتا  حالة فصعون  صارت  بتهوي  علاماته زفت  ودايما طايش ومطيش الناس حواليه  اما فصعونة  فالحجة ام فهمون  تدخلت وقالتلا  الحجاب وقاية الك  من الشباب  وفصعون  كان بدو  يقتلك  ويخطفك  وتحجبت وحطت خمار كمان  وبالزور  قبل ابو فصعونة  تدرس بالجامعة  بشرط ما تحكي مع شباب  وحط عليها  10 من رفقاتا  او بالاحرى ما حطون  اساسا هني  مجندين  ليخبروا اهلا  بكل شاردة ووارددة

فصعون رجع مبسوط وقرر  يتحرى اكتر عن فصعونة اللي عرف انو هيي معه بنفس الفصل والسنة والقسم  ورجع  صار يشوفا من بعيد  لبعيد  ويبعتلا الكتب والمحاضرات وهي  تحطله ياهون بالمكتبة بدون ما حدا يشتلق

فصعون  قطع 3 سنين  هوي وفصعونة وهني سوا ما حدا منتبه عليون  وفصعونة  كتير  مبسوطة انو رجعت شافت فصعون  وصارت  فرحانة كتير وحياتا انقلبت كمان  صاروا يقعدوا ورا الحديقة ويدرسوا سوا  وقدامه رفعت الخمار لانو هيي بتعرف منيح انو فصعون  شب محترم وواعي  وبالاساس  هي  مو مقتنعة بالخمار

لحد ما اجا يوم  كانت وحدة من الصبايا عم تمشي ولمحت فصعونة عم تاكل صندويشة وعم تقرا  بكتاب مع  شب  وراحت طيران  لعند  الحجة ام فهمون  وخبرتا انو فصعونة ارتكبت المعصية والعياذ بالله

ونطت ام فهمون  وبوشا لعند ام فصعونة اللي بدورا استلمت ابو فصعونة واخو فصعونة اللي  عملوا اجتماع  وقرروا  غسل العار  اللي لبس العيلة بكل الطرق المشروعة وغير المشروعة

نطروا  لترجع  فصعونة  وبهالوقت كان عم يتناقشوا بين انو  بس يفهموها غلطا  او انو  يحبسوها او يقتلوها   وبهالوقت رجعت فصعونة  واتفقوا انو  يخبروها انو  انتي محبوسة بالبيت  وبلا طلعة ولا فوتة ليجي عريسك

قصعون حس انو فصعونة  ما عد اجت للجامعة وفهم  بطريقة او باخرى  انو شو صار مع فصعونة  وزعل كتير  والتقى بشب قله انو حرام اللي عملته ولازم تستغفر ربك على اللي عملته  لانو هاد غلط  وغلط كبير  واحسن شي تهتدي  وترجع للطريق القويم

ورجع فصعون  وتراجع معها  قبل التخرج  بسنة  وماعاد سئل عن فصعونة ولا عن حدا بالحياة  عم يقضيها  بالقهوة  وبنثر الحكي عالناس  للهداية  والطريق الصواب  والاهم  انو تم انقاذه للمرة الثانية هو وفصعونة

Advertisements

5 تعليقات to “انقاذ فصعون 2”

  1. طباشير Says:

    سلامات عمـّي طارق ,

    بداية ً انو يابا كل الحقوق الفصعونية محفوظه لـطبشورة فأنـو انت كيف هيك نطيت من فوق الـسور و كبرتلنا ياه لفصعون ؟؟

    اللي صار مع فصعون بتدوينتي المذكوره ( http://www.freesham.com/2009/08/blog-post_6300.html ) عم يصير كل يوم و مع عدد كبير من الناس صغار و كبار و غيره .. لكن أنا أوجدت فصعون لأنتقد من خلاله أشـيا بنقدر نقول الناس ما بتخلينا نحطها على طاولة الحوار بدون ما تقيمنا .. و بدون ما تزعجنا بكلامها .. مابعرف كيف وصـّل الفكرة أكتر لكن بأختصار رح حاول قلـّك فـصعون مش حكر لكـنه فكر ..

    بالنتيجة تحياتي وشعاري الدائم فصعن عليها تنجلي ..

  2. رجل من ورق Says:

    هلا عمتي شوش
    طبعا كل الحقوق محفوظة الك وهاد اللي خلاني شير لتدوينتك
    واكيد فصعون مش حكر واكيد هوي فكر واليوم هيك صار مع فصعون بكرا بيصير معه شي تاني وبيكون مطرح تاني
    فصعون في شي مني ومنك ومن كتار كمان
    وياستي رجعتلك ياه لفصعون
    تحياتي شوش

  3. uramium Says:

    سموهم ما شئتم ، هم كثر ، يبتلع بعضهم الظلام ، بانتظار تسليطة من حبر تنير ما حولهم.
    تحياتي لكما ولفصعونكما الواحد.. العديد

  4. tarekalhamid Says:

    تحياتي الك رامي

  5. الاعصار Says:

    فعلا يسلموا ايديكم جميعا :على الابداع :وانا اسمتعت في كتاباتكم اللذيذة وانا ان شاء الله راح اتواصل معكم على طول :تحياتي للجميغ:,واتمنى منكم المزيد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: