عظة العيد

090723085155Bg3R

+- في كتار مفكرين الشيوعية او اليسارية هيي كلمة رفيق ولحية وكاس وكفرية وغيفارا وسب الدين هلأ هيدول ان كانوا مفكرين حالون يساريين او شيوعيين لازم يطيروا من هالمطرح وان كانو من مقلب تاني فاكتر كلمة بقدر قولا ( الله يهديكون ) وكما قال صديق عزيز [QUOTE]ما في أي دليل تاريخي على انو كارل ماركس كان يكفر لمرته مثلاً اذا طلعت عالبرندة بلا حجاب [/QUOTE]

+-في كتار مفكرين الدين مسبحة وحجاب وصليب و وعم تقطع فرض واذا قلتلو يابا الدني شوب بيقلك ان نار جهنم احر وبستلمك بعذاب القبر ويا ويلاه عم يشنوا حرب عالدين هالغرب المتعصب البطيخ الجبل هلأ هيدول ان كانوا مفكرين حالون متدينين ما بقدر قول الا كمان الله يهديهون

+- في ناس مو مستعدة تحمل حالا اي شي ويخزي العين فورا بتحط الحق عالنظام العالمي الجديد والعولمة والراسمالية والاستعمار واذا سالتو شو هاد النظام العالمي الجديد ما بيعرف كمان الله يهديه

+- عن صديق اخر  انه قال عن ناس بتمشي معون معون عليهون عليهون بمعنى اليوم الدني صيفية يللا يابا لنسترزق ونلم قرشين بس عالسريع بكرا رمضان بدنا نتضبضب لانو الله هدانا لطريق القوام والرشد والهداية وفجاة بتلاقيها بتلم زكاة رمضان قال تدين قال ما علينا

+- نصيحة اخوية وقت بدك تقول لا لا تخجل وتقولها بقلبك قولها دغري لانو بعدا ما عاد فيك تقول شي تاني

+- لا تتقريف من الوطني وتقعد تقلي ماعنا شي بالبلد واحسن شي كلو اجنبي ونحنا ما عنا شي ظابط هلا صح ما عنا شي ظابط بس يعني لا تقرفني

+-مش بالضرورة بنطلونك اللي اشتريته ب15 الف ليرة يكون غير شكل صدقني وحياتك انو لو حطيت حده بنطلون حقه 250 ليرة سوري ما رح حدا يفرقون عن بعض

+- ادفع نص عمري واعرف شو بيستفيدوا هيدول اللي بيعملوا عرس فايف ستارز وبيجيبلولك التي في والمجلات لتصور وتشوف بالمجلات صور العرس يعني بحياتك بتكون عملت عرس فايف ستارز؟

+- كل سنة وانتو بخير

Advertisements

5 تعليقات to “عظة العيد”

  1. uramium Says:

    على هيك لازم تنحجز لك ساعة درس بإذاعة القدس .. أي شو هاد ، ما عرفتك 🙂

    تحياتي لك وكل عام وأنت بخير

  2. مدونة الشجرة الأم Says:

    وما الدنيا إلا متاع الغرور

  3. soos Says:

    وقت بدك تقول لا لا تخجل وتقولها بقلبك قولها دغري لانو بعدا ما عاد فيك تقول شي تاني

    والله كل وحدة احلى من التانية

    تحية

  4. ironmask Says:

    سأشاركك بأجمل ماقرأت عن تعريف الشيوعيون:
    ” الشيوعيون هم من قرأوا كارل وماركس، وأعداء الشيوعيون هم من قرأو كارل وماركس وفهموا ماقرأو”
    🙂

  5. رجل من ورق Says:

    والله يا رامي
    شغلة
    كل سنة وانت بخير
    الشجرة الام
    اهلا فيكي
    ندفة ثلج
    تحياني الك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: