انا بنت

عذرا يا ال حواء لكنني اليوم لست بموقف المدافع عنكن  بل مهاجما وبشراسة شديدة

فكل حملاتكن ودعواتكن للتحرر والمساواة معنا  تصطدم بعبارة انا بنت  ما فيني 

ما ان  يطلب من اي منكن طلب ما حتى اصطدم بعبارة  ما فيني  انا بنت  انت شب فيك تعمل هيك

دفع الحساب بالمطعم  لابد ان يقوم به الشاب  حمل الحقيبة يقوم به الشاب التسوق  بات يقوم به الشاب في الباص على الشاب ان يقف لتجلس الفتاة

بحياة الله شو نقصكون عنا؟ لسا ماشييلي بسيرة انا بنت ما بقدر احمل هالغرض ولا فيني امشي هون ومابعرف شو  وبس شاطريلي بالمناداة بالحرية والتحرر من سلطة الرجال

تحرروا من حالكن بالاول

Advertisements

4 تعليقات to “انا بنت”

  1. طباشير Says:

    سلامات طارق ،

    هلأ أنا بصورة شخصية بشوف في فرق كبير بين الحقوق المرأه (من انو المرأه بيندفعلها أقل من الرجل حتى لو اشتغلت ضعف ما بيشتغل ، و من أنـّو الرجل بيضرب المرأه و غيره و غيراته من حقوق منتهكه ) و بين العادات الاجتماعية و الأتكيتيّة .. يعني انـّو الشب يفتح باب السيارة للصبيّة هي تندرج تحت العادات الاجتماعية و الأتكيت و ما إلها علاقة بالحقوق و الواجبات و ما إليه .. إضافة لحمل الحقيبة مثلا ً ( هون ما فهمت حقيبة المرأه يعني يحمللها ياها ولا كيف ؟ ) و لكن أن كنت بتقصد حمل حقائب السفر أو هيك .. فأنـّو هي تندرج تحت القدرة الفيزيائية لجسم الشب الأقوى و أيضا ً ما بشوف انها تدخل تحت نطاق المساواه و هي القصص ..
    في عادات اجتماعيّة أنا مش معها ( متل انو الشب يدفع الفاتورة ) خصا في ظروف الشباب اليوم بسوريا و العالم العربي تحديدا ً يعني ما بشوف الها داعي ..
    اي و هيك يعني تحياتي

  2. جنين2002 Says:

    حقيقة ضحكت من كل قلبي هل تدوينه حلوه كثير وجديده, يعني اول مره شب بيعلن استيائه من ضعف البنت وحاجتها دائما للمساعده بداعي او بدون داعي على اساس مبدأ انه هي ضلع قاصر…
    مع انه بيقولوا اني عفويه وتلقائيه بس انت حطيتني بنص الطريق, طيب لح اعترض متل اعتراضك اذا بتوافقني, يعني ليش الشب بمجتمعنا بيعامل البنت انه هي قاصر وضعيفه وقت بدو وقت بدو بيحّملها المسؤوليه كلها, اذا القصه وقفت ع الحقيبه بسيطه, طيب كيف بتطلب من انسانه شي هي اساسا فاقدته, (اتخاذ القرار),فاقد الشيء لا يعطيه واذا كانت المراه غير هيك بتكون نشاذ….اساسا الصح بمجتمعنا نشاذ…
    بتعرف بالنسبه للمساواة الغير منصفه اللي ابتكروها اذا الموضوع بيرجعلي بقلهون اذا بدكون تتساووا انتو فيني بوافق بشرط الرجل بيحبل سنه والمراه بتحبل سنه ……
    تحيه

  3. كُوفيَّة Says:

    لول !
    طيب انا مش من اللي بنادوا بمساواة المراة لانو بنظري المرأة بتختلف عن الرجل ومش لازم يكونوا متساويين .
    بس برضو ما فيني احمل اغراض تقيلة ولازم واحد يحملها عني. ومش حلوي فكرة انو البنت تدفع بالمطعم عن الشب بالمرة 😀
    البنت عنجد ما فيها تحمل اغراض تقيلة بتتعب بعدين 😦 وجسمها تركيبتو غير عن الشب. انتو ما شاء الله جسمكن كلو عضلات، البنت جسمها بيختلف.
    بس ما فهمت، كيف يعني ما فيني امشي هون ؟

  4. Rana Says:

    إذا المرأة حصلت على حقوقها الأساسية من دون كمع برأيي لا حق لها أن تطالب ببعض الحقوق التي تزيد عن المألوف
    حق التعلم , حق أخذ القرار في موضوع الزواج , حق العمل بشرط ألا يتعارض مع أعمال المنزل , حق المشاركة .. الخ الحقوق الأساسية
    الرجل والمرأة خلقوا ليكملوا بعض لا هاد بياخد دور هاد ولا العكس لان هيك الخحياة بتصير غلط .

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: